Plantun de Prouvènço

Pèr coumpara dos planto d'encò nostre

Molinia caerulea subsp. arundinacea & Potamogeton nodosus

Coutelino

Molinia caerulea subsp. arundinacea

Poaceae Graminaceae

Àutri noum : Erbo-dóu-tai, Erbo-de-tai.

Noms en français : Canche élevée, Molinie faux roseau.

Descripcioun :
La coutelino es uno grando planto que pòu agué mai d'un mètre d'aut e que fai de gròssi mato. Li cambo soun duro, li fueio larjo e coupanto alor que lis espigueto, à 2 o 3 flour, soun pichouneto. Sa lengueto (ligulo) èi facho d'un renguiero de péu. La subsp. arundinacea a de fueio mai larjo (8 à 12 mm) e peréu si lemma soun mai longo (4,5 à 6,5 mm) e pu pounchudo que lou tipe caerulea. Coumpara emé la subsp. caerulea que ié sèmblo.

Usanço :
La coutelino s'acampo pèr la banastarié, pèr faire d'ùni causo pulèu menudo.

Port : Grando erbo
Taio : 0,5 à 1,5(2,5) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Molinia
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 30 à 50 cm
Flourido : Printèms - Estiéu

Sòu : Ca
Autour basso e auto : 0
Aparado : Noun

Liò : Ribiero - Prado umido
Estànci : Termoumediterran à Mountagnard
Couroulougi : Éuropenco-Caucasiano
Ref. sc. : Molinia caerulea subsp. arundinacea (Schrank) K.Richt., 1890

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.